സന്തോഷിക്കാൻ എളുപ്പമാണ്

ഡോ. ജാസിം മുതവ്വ

കൊച്ചു കൊച്ചു കാര്യങ്ങളിലാണ് സന്തോഷം ഒളിഞ്ഞിരിക്കുന്നത്. ധാരാളം സമ്പത്തോ, വലിയോ വീടോ, മുന്തിയ വാഹനമോ, വിലകൂടിയ വസ്ത്രങ്ങളോ ജീവിതത്തില്‍ സന്തോഷം നല്‍കിയെന്നു വരില്ല. ജീവിതത്തില്‍ സന്തോഷവും ആനന്ദവും കണ്ടെത്താനുള്ള 15 ചെറു മാര്‍ഗങ്ങൾ:

1. ഈ ലോകത്ത് നിങ്ങളെ സ്‌നേഹിക്കുന്നവര്‍ ഉണ്ടായിരിക്കുക: അത് നിങ്ങളുടെ കൂട്ടുകാരനോ സഹോദരനോ ഇണയോ മാതാപിതാക്കളോ അല്ലെങ്കില്‍ മറ്റാരെങ്കിലും ആവാം. അവര്‍ നിന്നെ സ്‌നേഹിക്കുന്നു എന്ന ബോധം നിനക്കുണ്ടാകുന്നു. അങ്ങനെ മനസ്സില്‍ ശുഭചിന്തകള്‍ വെച്ചുപുലര്‍ത്താനും അതിലൂടെ മാനസിക സംതൃപ്തി കൈവരിക്കാനും സാധിക്കുന്നു.

2. തെറ്റുകള്‍ പൊറുക്കാനും വിശാലമനസ്‌കത കാണിക്കാനും പഠിക്കുക: അത് ആരോടും നേരിട്ടോ സന്ദേശങ്ങള്‍ മുഖേനയോ പങ്കുവെക്കുമ്പോള്‍ നമുക്ക് ആത്മശാന്തിയും മനസംതൃപ്തിയും ലഭിക്കുന്നു.

3. ചെറുപ്പത്തില്‍ വളരെ ആനന്ദത്തോടെ ചെയ്തുകൊണ്ടിരുന്ന കാര്യം വീണ്ടും ചെയ്യാന്‍ ശ്രമിക്കുക:എന്റെയടുത്ത് വന്ന ഒരാള്‍ സൈക്കിള്‍ സവാരി അയാള്‍ക്ക് വളരെ ഇഷ്ടമുള്ള കാര്യമാണെന്നും ദിവസം രണ്ടോ മൂന്നോ മണിക്കൂര്‍ സൈക്കിള്‍ സവാരി ചെയ്യാറുണ്ടെന്നും പറഞ്ഞു. ഇതുമൂലം മാനസികമായി വളരെയധികം ഉന്മേശം ലഭിക്കുന്നതായി അയാള്‍ പറയുന്നു.

4. ഇഷ്ടപ്പെട്ട പുസ്തകങ്ങള്‍ വായിക്കുക: മനസ്സിന് ഊര്‍ജ്ജം പ്രദാനം ചെയ്യുന്ന തരത്തിലുള്ള പുസ്തകങ്ങള്‍, നര്‍മപുസ്തകങ്ങള്‍ എന്നിവ വായിക്കാവുന്നതാണ്.

5. ഇഷ്ടപ്പെടുന്ന വ്യക്തികള്‍ക്ക് പാരിതോഷികങ്ങള്‍ നല്‍കുക: ആ നല്‍കിയ പാരിതോഷികത്തെ പറ്റി അയാളോട് സംസാരിക്കുക, അയാള്‍ അതില്‍ മനസ്സു നിറഞ്ഞ് നിങ്ങളോട് നന്ദി പറയുമ്പോള്‍ നിങ്ങള്‍ക്കും സന്തോഷമാകും.

6. കുട്ടികളോടൊപ്പം സമയം ചെലവഴിക്കുക: അവരുടെ വര്‍ത്തമാനങ്ങളും പരിഭവങ്ങളുമൊക്കെ കേള്‍ക്കുക, അവരോടൊപ്പം കളികളില്‍ ഏര്‍പ്പെടുക, തീര്‍ച്ചയായും താങ്കളെ അവര്‍ അവരുടെ ലോകത്തേക്ക് കൈപിടിച്ച് കൊണ്ടുപോകും. താങ്കള്‍ക്ക് അപ്പോള്‍ അതിയായ സന്തോഷമുണ്ടാകും.

7. നമ്മുടെ വസ്തുക്കള്‍ കൃത്യമായി അടുക്കും ചിട്ടയോടെയും സൂക്ഷിക്കുക: വസ്ത്രങ്ങളൊക്കെ പുറത്തെടുത്ത് അതില്‍ ധരിക്കാത്തവ പാവങ്ങള്‍ക്കും അഗതികള്‍ക്കും ദാനം ചെയ്യുക.

8. അടുത്ത കൂട്ടുകാരനുമായുള്ള ബന്ധം ശക്തിപ്പെടുത്തുക:അവനോട് സംസാരിക്കുമ്പോഴും കൂടെ സഹവസിക്കുമ്പോഴും നിങ്ങള്‍ക്ക് തൃപ്തി തോന്നുന്ന കൂട്ടുകാരോടൊപ്പം സമയം ചെലവഴിക്കാന്‍ ശ്രദ്ധിക്കുക.

9. കൃത്യമായി ഉറങ്ങുന്ന ശീലമുണ്ടാക്കുക: നിങ്ങളുടെ ചിന്തകള്‍ക്ക് വിശ്രമം നല്‍കാനും മനസ്സിന് സമാധാനം പകരാനും അത് സഹായിക്കും.

10. കായികവിനോദങ്ങളില്‍ ഏര്‍പെടുക: നീന്തല്‍, നടത്തം പോലുള്ള വ്യായാമങ്ങള്‍ ചെയ്യുക. ആഴ്ചയില്‍ മൂന്ന് പ്രാവശ്യമെങ്കിലും നടക്കുന്ന ശീലമുണ്ടാക്കുക.

11. മാതാപിതാക്കളോടൊപ്പം സമയം ചെലവഴിക്കുക:മാതാപിതാക്കളോട് കുശലാന്വേഷണങ്ങള്‍ നടത്തുകയും അവരോടൊത്ത് സമയം ചെലവഴിക്കുകയും ചെയ്യുന്നത് സന്തോഷപ്രദമാണ്.

12. മറ്റുള്ളവരോട് പുഞ്ചിരിക്കുക:പുഞ്ചിരി മാനസികമായ സന്തോഷവും ഉന്മേഷവും നല്‍കും. തീരെ ചെലവ് ഇല്ലാത്തതും എന്നാല്‍ പുണ്യമുള്ളതുമായ ഒരു കാര്യം.

13. ഖബ്ര്‍ സന്ദര്‍ശിക്കുക: പരലോകചിന്തയെ ഉണര്‍ത്തുന്നതിലൂടെ ഐഹികലോകത്തെ ദുഖങ്ങളും വിഷമങ്ങളും മറക്കാന്‍ നമുക്ക് സാധിക്കുന്നു. പരലോകത്തെ ആത്യന്തിക ലക്ഷ്യസ്ഥാനമായി നമുക്ക് അനുഭവപ്പെടുമ്പോള്‍ നൈമിഷികമായ പരീക്ഷണങ്ങള്‍ നമ്മെ ഒരിക്കലും തളര്‍ത്തില്ല.

14. മുതിര്‍ന്നവരോടൊപ്പം സമയം ചെലവഴിക്കുക: തങ്ങളുടെ നര്‍മസംഭാഷണങ്ങളിലൂടെ താങ്കളെ സന്തോഷവാനും അനുഭവങ്ങളിലൂടെ സമ്പന്നനാക്കാനും അവര്‍ക്ക് സാധിക്കും.

15. പ്രാര്‍ത്ഥന: ഹൃദയവിശാലതയും മനശ്ശാന്തിയും ലഭിക്കാനായി നിരന്തരമായി അല്ലാഹുവിനോട് പ്രാര്‍ത്ഥിക്കണം.

Posted in: മുസ്ലിം