10:24 AM
അളവറ്റ ദയാപരനായ പ്രപഞ്ചനാഥന്റെ നാമത്തിൽ..
ലോകത്തിലെ സകല ചരാചരങ്ങൾക്കും അനുഗ്രഹവും കാരുണ്യവുമായാണ് തിരുദൂതർ മുഹമ്മദ് നബി (സ.അ.) ഭൂജാതനായത്.
കാലുഷ്യമാർന്ന, ജീർണത മുറ്റിയ സമൂഹത്തിൽ കേവലം ഇരുപത്തിമൂന്നു വർഷക്കാലം കൊണ്ട് പരിവർത്തനത്തിന്റെ പരാഗരേണുക്കൾ വർഷിച്ച ആ ധന്യജീവിതം നമുക്കു പകർന്നു നൽകിയത് ആദർശത്തിന്റെയും സമൂല വിമോചനത്തിന്റെയും പ്രായോഗിക അധ്യായങ്ങളായിരുന്നു.
അതിജീവിക്കാനാകാത്ത സകല മാനുഷിക പ്രത്യയശാസ്ത്രങ്ങളെയും മുൻകാല ദൈവിക ഗ്രന്ഥങ്ങളിലെ കൈകടത്തലുകളെയും നിഷ്പ്രഭമാക്കി വിശുദ്ധ ഖുർആനിന്റെ വെളിച്ചത്തിൽ പ്രവാചകൻ അത്യുന്നത സാംസ്കാരിക ബോധം ഇഴചേർത്ത ജീവിതക്രമം പ്രായോഗികമാക്കി മാനവ രാശിക്ക് സമർപ്പിച്ചു .
ധിഷണയുടെ, ദാർശനികതയുടെ, യാഥാർത്ഥ്യ ബോധത്തിന്റെ കയ്യൊപ്പു പതിഞ്ഞ ആ പാത പിൻപറ്റാൻ ലോകം എക്കാലവും കാതോർക്കുന്നത് മുൻവിധികളില്ലാത്ത അന്വേഷണാത്മകതയിൽ ഊന്നിയാണ്. എന്നാൽ ചിലർക്ക് പ്രവാചക ജീവിതത്തിന്റെ ഉള്ളറിയാൻ ഇപ്പോഴും നേരം പുലർന്ന ചിന്താശേഷിയില്ല. അത്തരക്കരുടെ ശ്രദ്ധയിലേക്ക് ഈ ബ്ലോഗ് സമർപ്പിക്കുന്നു.
ബാക്കി കാര്യങ്ങൾ പിന്നാലെ ചർച്ച ചെയ്യാമെന്ന വിശ്വാസത്തോടെ...
സ്നേഹ പൂർവം
വേ ഓഫ് ട്രൂത്ത്
Posted in: ആമുഖം
